Azərbaycan, Bakı, 7 avqust /Trend/
17 yaşadək qızlardan ibarət Azərbaycan yığması Avropa çempionatının ilkin seçmə mərhələsində bu gün son oyununu keçirib.
Trend AFFA-nın rəsmi saytına istinadən məlumat verir ki, Qazaxıstan yığması ilə qarşılaşan futbolçularımız 2:0 hesabı ilə qələbə qazanıb. Qolları Kader Alimova və Yasminne Qluiç vurub.
Qeyd edək ki, bundan əvvəl Azərbaycan millisi seçmə mərhələ çərçivəsində Avstriya və Polşa yığmaları ilə qarşılaşmış və müvafiq olaraq 0:7 və 0:5 hesabı ilə məğlubiyyətə uğramışdı.