Azərbaycan, Bakı, 15 yanvar /Trend/
Türkiyənin Antalya şəhərində təlim-məşq toplanışında olan "Neftçi" klubu bu gün ilk yoxlama oyunu keçirib.
Trend-in məlumatına görə, Bakı təmsilçisi Albaniyanın "Partizani" klubu ilə qarşılaşıb. Görüş "Neftçi"nin 2:0 hesablı qələbəsi ilə başa çatıb. 34-cü dəqiqədə Araz Abdullayev, 77-ci dəqiqədə isə Samir Məsimov fərqləniblər.
Xatırladaq ki, "Neftçi" yanvarın 18-də "Fənərbaxça" ilə qarşılaşacaq.