Azərbaycan, Bakı, 12 sentyabr /Trend/
Bu gün Azərbaycan Premyer Liqasında 4-cü turun oyunlarına start verilib.
Trend-in məlumatına görə, ilk oyun günü Gəncədə baş tutub.
Burada "Kəpəz" AZAL-ı qəbul edib. Cari mövsüm xala həsrət qalan "təyyarəçilər" Şahin Diniyevin komandası ilə oyunda ilk uğurlu nəticəsini qazanmağa çalışsa da bu görüşdə 1:0 hesabı ilə qalib gələn Gəncə təmsilçisi mövsümdə ilk qələbəsini qazanıb. AZAL isə ardıcıl 4-cü matçında meydanı xalsız və qolsuz tərk edib.