Bu gün “Qarabağ” Kiprin APOEL klubu ilə cavab görüşü keçirəcək

Bakı. Elçin Mehdiyev - Trend:

Bu gün UEFA Çempionlar Liqasının üçüncü təsnifat mərhələsi çərçivəsində ölkəmizi təmsil edən “Qarabağ” futbol klubu Kiprin APOEL klubu ilə cavab görüşü keçirəcək.

Trend-in məlumatına görə, cavab görüşü Tofiq Bəhramov adına Respublika Stadionunda baş tutacaq. Oyun Bakı vaxtı ilə saat 20:30-da başlayacaq.

Qeyd edək ki, ötən həftə Nikosiyada keçirilmiş ilk qarşılaşmada “Qarabağ” 2:1 hesabı ilə qalib gəlib.