Bakı. Trend:
Lionel Messi İspaniyanın "Barselona" klubunu tərk edib.
Trend-in məlumatına görə, Kataloniya klubu 34 yaşlı argentinalı superulduzla yeni müqavilə imzalaya bilməyib.
Bildirilir ki, buna səbəb futbol üzrə İspaniya çempionatının maddi qaydaları olub. Futbolçunun karyerasını PSJ və ya “Mançester Siti”də davam etdirməsi gözlənilir.
Qeyd edək ki, “Barselona” akademiyasının yetirməsi olan Lionel Messi 2004-cü ildən əsas komandada çıxış edib.