Bakı. Trend:
Bakıda keçirilən batut gimnastikası, ikili mini batut və tamblinq üzrə 28-ci Dünya Yaş Qrupları Yarışlarında Rusiya idmançısı Arina Kalyandra 34,100 xalla 15-16 yaş qrupu üzrə qadınlar arasında tamblinq proqramında birinci yeri tutub.
Trend-in məlumatına görə, ikinci yeri 34.000 xalla Naana Oppon (Böyük Britaniya), üçüncü yeri isə hakimlər tərəfindən 33.300 xalla qiymətləndirilən Komfort Yetes (Böyük Britaniya) tutub.
Qeyd edək ki, 25-28 noyabr tarixlərində keçiriləcək 28-ci Dünya Yaş Qrupları Yarışları 32 ölkədən 650 idmançı iştirak edəcək.
Gimnastlar həm batut, həm tamblinq, həm də ikili mini-batut üzrə yarışlarda 11-12, 13-14, 15-16 və 17-21 yaş kateqoriyasında yarışacaqlar.
Yarışda gimnastlar batut üzərində fərdi və sinxron tullanışlar, tamblinq və ikili mini-batut üzrə proqramlarda çıxış edəcəklər.
Yarışlarda Azərbaycanı 15 gimnast təmsil edəcək. Batut gimnastikasında Selcan Maqsudova, Maqsud Maqsudov, Ammar Baxşəliyev, İbrahim Mustafazadə, Mehdi Əliyev, Nicat Mirzyəyev, Əli Niftəliyev, Şəfiqə Hümbətova, Səma Cəfərova, tamblinq yarışlarında Tofiq Əliyev, Adil Hacızadə, Bilal Qurbanov, Hüseyn Əsədullayev, Aleksey Karataşov və Elnur Məmmədov iştirak edirlər.