Bakı. Trend:
Formula 1 yarışları üzrə 7 qat dünya çempionu britaniyalı Lyuis Həmilton soyadını dəyişdirməyi düşünür.
Trend-in məlumatına görə, bu barədə "Racingnews365" xəbər verib.
İdmançının sözlərinə görə, o, indiki soyadına anasının qızlıq soyadını əlavə etmək istəyir:
"Ailəmin səkkizinci titulunu qazanması çox vacib olardı, mən öz soyadımla fəxr edirəm, Hamilton. Anamın soyadının Larbalest olduğunu bəlkə də heç biriniz bilmirsiniz. Və onun soyadını öz soyadıma əlavə etmək istəyirəm", - deyə o qeyd edib.
Onun sözlərinə görə, ad dəyişikliyi yaxın vaxtlarda baş verməyəcək, yəni britaniyalı idmançı yeni mövsüm çərçivəsində Formula1-in start mərhələsinə "Hamilton" soyadı ilə çıxacaq.