...

Ukrayna futbol üzrə 2030-cu il dünya çempionatını qəbul etmək üçün müraciət edə bilər - KİV

İdman Materials 4 Oktyabr 2022 15:58 (UTC +04:00)
Ukrayna futbol üzrə 2030-cu il dünya çempionatını qəbul etmək üçün müraciət edə bilər - KİV

Trend-i buradan izləyin

Orxan Nəbiyev
Orxan Nəbiyev
Bütün xəbərlər

Bakı. Trend:

Ukrayna futbol üzrə 2030-cu il dünya çempionatını qəbul etmək üçün müraciət edə bilər.

Trend-in məlumatına görə, bu barədə Britaniyanın "The Times" nəşri yazır.

Qeyd olunur ki, Ukrayna həmin turniri İspaniya və Portuqaliya ilə birgə təşkil etmək üçün namizədliyini irəli sürmək niyyətindədir.

Müvafiq təklifin oktyabrın 6-da UEFA-nın mənzil-qərargahında keçirilən mətbuat konfransında səsləndiriləcəyi gözlənilir. Məlumatlara əsasən, Ukrayna dünya çempinatının bir qrupunun matçlarını keçirə bilər.

Eyni zamanda, 2030-cu il dünya çempionatının keçirilməsi Səudiyyə Ərəbistanı, Misir və Yunanıstanın birgə namizədliyi nəzərdən keçirilir.

Qeyd edək ki, futbol üzrə dünya çempionatı bu il Qətərda, 2026-cı ildə ABŞ, Kanada və Meksikada keçiriləcək.

Məqalədə:
Xəbər lenti

Xəbər lenti