Bakı. Trend:
“İneos” kimya şirkətinin rəhbəri, britaniyalı milyarder Cim Retkliff “Mançester Yunayted” futbol klubunu almağa hazır olduğunu bildirib.
Trend-in məlumatına görə, bu barədə "The Times" nəşri xəbər verib.
Məlumata əsasən, namizədlər arasında hərrac fevral ayında başlamalıdır. Nəticədə, “Mançester Yunayted” mövsümün sonuna qədər yeni sahibliyə keçə bilər.
C.Retkliff artıq Fransanın "Nitsa" futbol klubunun sahibidir. "Forbes" jurnalı onun sərvətini 15,5 milyard dollar dəyərində qiymətləndirir.
Bir il əvvəl məlum olub ki, “Mançester Yunayted”in sahibi olan amerikalı sahibkarlar Qleyzer ailəsi klubu satmaq istəyir.