Bakı. Trend:
Bu gün UEFA Çempionlar Liqasının 1/4 final mərhələsinin son cavab qarşılaşmaları keçirilib.
Trend xəbər verir ki, Almaniyanın "Bavariya" klubu öz meydanında İngiltərənin "Mançester Siti" klubunu qəbul edib. Oyun 1:1 hesablı heç-heçə ilə başa çatıb.
Oyunda qolları 57-ci dəqiqədə qonaqların hücumçusu Erlinq Holand, meydan sahiblərinin heyətində isə 83-cü dəqiqədə Coşua Kimmix vurublar.
İlk oyunda "Mançester Siti" 3:0 hesablı qələbə qazanmışdı.
Beləliklə, "Mançester Siti" UEFA Çempionlar Liqasının yarımfinal mərhələsinə yüksəlib.