Bakı. Trend:
İtaliya A Seriyasının 2024/2025 mövsümünün 17-ci turunda "Monza" ilə "Yuventus" arasındakı oyun başa çatıb. Matç Monzadakı "U-Power" stadionunda keçirilib.
Trend xəbər verir ki, oyunun 14-cü dəqiqəsində "Yuventus"un yarımmüdafiəçisi Ueston Makkenni hesabı açıb. "Monza" isə 22-ci dəqiqədə müdafiəçi Samuele Birindellinin qolu ilə cavab verib. Qonaqlar üçün qələbə qolunu 39-cu dəqiqədə hücumçu Nikolas Qonzales vuraraq hesabı 2:1 edib.
Bu nəticə ilə "Monza" 17 oyundan sonra 10 xal toplayaraq A Seriyasının turnir cədvəlində sonuncu - 20-ci yerdədir. "Yuventus" isə eyni sayda oyundan sonra 31 xal ilə altıncı pillədə qərarlaşıb.
Turnir cədvəlinin zirvəsində 40 xalla "Atalanta" yer alır.