Bakı. Trend:
"Liverpul"un hücumçusu Mohamed Salah İngiltərə Premyer Liqasının tarixinə düşüb.
Trend-in məlumatına görə, misirli futbolçu "Tottenhem"lə görüşdə iki rekorda imza atıb.
Salah, İngiltərə çempionatlarında ardıcıl 4 mövsümdə 10 qol və 10 ötürmə edən ilk futbolçu olub. O, Milad Bayramına kimi Premyer Liqada 15 qol vurub və 11 ötürmə verən ilk oyunçu kimi tarixə adını yazdırıb.
Ümumilikdə, Salah bütün turnirlərdə keçirdiyi 23 oyunda 18 qol vurub və 13 ötürmə verib.