Bakı. Trend:
Dekabrın 19-da Kamçatkada yoxa çıxan An-2 təyyarəsi tapılıb. Təyyarədə olan insanlar sağdır.
Trend-in məlumatına görə, bu barədə Rusiya Kamçatka diyarı üzrə fövqəladə hallar naziri Sergey Lebedev deyib.
"Təyyarə tapıldı, insanlar sağdır. Onların dəqiq vəziyyətinin nəcə olduğunu deyə bilmərəm. İndi təxliyə edəcəyik", - deyə o bildirib.
Qeyd edək ki, Milkovo - Ossora marşrutu üzrə yerli reys həyata keçirən "Faeravia" aviaşirkətinin An-2 təyyarəsi dekabrın 19-u gündüz saatlarında Kamçatkada yoxa çıxıb.