...

“Onlayn imzalayıcı” proqram təminatı yeniləndi (FOTO)

İqtisadiyyat Materials 15 Aprel 2020 11:29 (UTC +04:00)
“Onlayn imzalayıcı” proqram təminatı yeniləndi (FOTO)

Trend-i buradan izləyin

Bakı. Trend:

“Onlayn imzalayıcı” proqram təminatının təhlükəsizlik sertifikatı yenilənib. Bununla əlaqədar olaraq elektron imza istifadəçiləri cari il 20 aprel tarixinədək yeni “Onlayn imzalayıcı” yükləyərək quraşdırmalıdır.

Nəqliyyat Rabitə və Yüksək Texnologiyalar Nazirliyindən Trend-ə verilən məlumata görə, yeni proqram təminatı yazılmadan öncə köhnəsinin silinməsi tələb olunur.
Proqram təminatının silinməsi və yenisinin yüklənməsi qaydaları “www.e-imza.az" portalında yerləşdirilib.

İstifadəçilər adıçəkilən portala buradan (http://www.e-imza.az/uploads/software/OnlineSigner.exe) daxil olmaqla yeni proqramı yükləyə bilərlər.

Hər hansı texniki problem yarandıqda müvafiq təlimata (http://www.e-imza.az/uploads/instructions/online_imzalayici.pdf) uyğun ardıcıllıqla prosesin icrasını təmin etmək olar.

Qeyd edək ki, yeni proqram təminatı quraşdırılmadığı halda elektron imza ilə onlayn imzalama mümkün olmayacaq.

Xatırladaq ki, Nəqliyyat Rabitə və Yüksək Texnologiyalar Nazirliyinin Milli Sertifikat Xidmətləri Mərkəzi tərəfindən təqdim edilən e-imza sertifikatının etibarlılıq müddəti 3 il təşkil edir.

Məqalədə:
Xəbər lenti

Xəbər lenti