Bakı. Trend:
ADA Universitetinin və “ACM-W” Avropanın təşkilatçılığı və PAŞA Bankın baş sponsorluğu ilə 24-27 sentyabr 2020-ci il tarixlərində ACM-in (Association for Computing Machinery) 7-ci beynəlxalq “womENcourage” toplantısı keçiriləcək.
Tədbirin əsas məqsədi texniki sahələrdə təhsil alan və fəaliyyət göstərən xanımları bir araya gətirmək, həmçinin karyeralarını informatika sahəsində qurmaq istəyən qadınları həvəsləndirməkdir.
Digər sponsor və tərəfdaşlar qismində Azərbaycan Konqreslər Bürosu, “Amazon”, “IBM” və “Azercell Telekom” MMC şirkətləri çıxış edir.
Tədbirdə iştirak etmək üçün qeydiyyat 31.08.2020-ci il tarixinədək davam edir.
Tədbir haqqında ətraflı məlumat almaq və qeydiyyatdan keçmək üçün keçid: http://womencourage.acm.org/2020/