Bakı. Samir Əli - Trend:
Ağdam rayonunun işğaldan azad edilən ərazilərində yazlıq əkinə hazırlıq gedir.
Bu barədə Trend-ə Ağdam rayon İcra Hakimiyyəti başçısının 1-ci müavini Allahverən Əliyev deyib.
O bildirib ki, artıq minalardan təmizlənmiş bir neçə kəndin əkin sahəsi yazlıq əkinə hazırlanır: "Rayonun Maqsudlu, Sarıcalı, Ağdamkənd, İsmayılbəyli və digər kəndlərinin ərazisi təmizlənib. Yaxın vaxtlarda ərazidə yazlıq əkin prosesinə start veriləcək".
A.Əliyev bildirib ki, işğaldan azad olunan 2 190 hektar ərazi minalardan təmizlənərək orada taxıl əkilib.