Bakı. Trend:
Azərbaycan Dövlət Neft Şirkətinin (SOCAR) Rumıniyada 67 yanacaqdoldurma məntəqəsi və 3 yanacaq deposu var.
Trend-in məlumatına görə, bunu Azərbaycan və Rumıniya Hökumətlərarası Komissiyanın iclasında SOCAR-ın vitse-prezidenti Kənan Nəcəfov deyib.
O bildirib ki, hazırda SOCAR-ın Rumıniyada 729 işçisi var. “Biz Rumıniya şirkətləri ilə əməkdaşlıqda çox maraqlıyıq. Hazırda Rumıniyaya qaz təchizatı variantlarını nəzərdən keçiririk”, - deyə o bildirib.