Bakı. Trend:
Xorvatiya – Azərbaycan İnvestisiya Forumu keçirilib.
Trend xəbər verir ki, bu barədə Azərbaycanın iqtisadiyyat naziri Mikayıl Cabbarov X hesabında paylaşım edib.
"Xorvatiyaya səfərimiz çərçivəsində Xorvatiya –Azərbaycan
İqtisadiyyat və İnvestisiya Forumunda iştirak etməkdən məmnun
olduq.
Ölkələrimizin tekstil, logistika, qida sənayesi, kənd təsərrüfatı,
tikinti, əczaçılıq, yaşıl enerji və turizm sahələrində fəaliyyət
göstərən sahibkarlarla görüşdük və biznes dairələri üçün mövcud
əməkdaşlıq imkanlarını diqqətə çatdırdıq. Azərbaycanın və
Xorvatiyanın investisiya potensialının təqdim edildiyi Forumda
birgə investisiyaların artırılması və şaxələndirilməsi
istiqamətində səmərəli müzakirələr apardıq", - eyə paylaşımda qeyd
olunub.
09:36
Xorvatiya – Azərbaycan İnvestisiya Forumu keçiriləcək.
Trend xəbər verir ki, bu barədə Azərbaycanın iqtisadiyyat naziri Mikayıl Cabbarov X hesabında paylaşım edib.
"Bu gün həmkarlarla birlikdə Xorvatiyaya işgüzar səfərimiz başlayır. Səfər çərçivəsində bu ölkənin hökumət nümayəndələri ilə keçirəcəyimiz görüşlərdə ikitərəfli iqtisadi əlaqələrə dair müzakirələr aparacağıq, həmçinin Xorvatiya – Azərbaycan İnvestisiya Forumunda iştirak edəcəyik", - deyə paylaşımda qeyd olunub.
Qeyd edək ki, Dövlət Gömrük Komitəsinin məlumatına görə, bu ilin yanvar ayında Azərbaycanla Xorvatiya arasında ticarət əməliyyatlarının həcmi 188,9 milyon ABŞ dolları təşkil edib. Bu, 2024-cü ilin yanvar ayındakı göstərici ilə müqayisədə 188,3 milyon ABŞ dolları və ya 295 dəfə çoxdur.
Hesabat dövründə Xorvatiya ilə ticarət dövriyyəsi Azərbaycanın ümumi ticarət dövriyyəsinin 3,71%-i həcmində olub.
