Bakı. Trend:
Ötən il ödəniş xidməti təchizatçılarının fəaliyyətinin lisenziyalaşdırılması çərçivəsində 14 elektron pul təşkilatı, 8 ödəniş təşkilatı və 1 operatora Azərbaycan Mərkəzi Bankı tərəfindən müvafiq lisenziyalar verilib.
Bu barədə Trend Mərkəzi Banka istinadən xəbər verir.
Məlumata görə, təşkilatlar tərəfindən təqdim olunan ilkin məlumatlara əsasən elektron pul və ödəniş təşkilatlarının əməliyyatlarının illik həcmi 60.5 milyard manat, o cümlədən elektron pulun emissiyası və elektron pul ilə əməliyyatların həcmi 25.8 milyard manat olub.
Bununla yanaşı, elektron pul və ödəniş və təşkilatlarının fəaliyyətinə nəzarət çərçivəsində 2024-cü il ərzində 1 elektron pul təşkilatı inzibati məsuliyyətə cəlb olunub, 3-ü ödəniş təşkilatı, 4-ü elektron pul təşkilatı olmaqla isə ümumilikdə 7 təşkilata 8 icrası məcburi göstəriş verilib.