Bakı. Trend:
Azərbaycanın aparıcı korporativ maliyyə institutu “PAŞA Bank” 25 aprel Sahibkarlar Günü münasibətilə kiçik və orta biznes sahibləri (KOS) üçün xüsusi kampaniya təqdim edir.
Bank, maliyyə əlçatanlığını artırmaq və sahibkarlara daha sərfəli şərtlərlə maliyyə dəstəyi göstərmək məqsədilə 7 aprel - 10 may 2025-ci il tarixlərində onlayn biznes kredit məhsulu üzrə illik faiz dərəcəsinə 2% endirim (10%-dən başlayaraq) təklif edir. Qeyd edək ki, onlayn biznes kredit müraciəti təsdiq olunduqda, 250 000 AZN-ə qədər vəsait 2 saat* ərzində sahibkarın hesabına köçürülür. Üstəlik, heç bir girov tələb olunmur. Ən əsası isə, bu kreditdən yararlanmaq üçün bank hesabı açmağa ehtiyac yoxdur.
“PAŞA Bank” qeyri-bank müştəriləri üçün də əlverişli imkanlar yaradır. Kampaniya çərçivəsində bank müştərisi olmayan sahibkarlar bank hesabı açmadan da rahat və sürətli şəkildə onlayn biznes krediti üçün müraciət edə bilərlər.
Sahibkarlar Günü münasibətilə biznesinizi böyütmək və yeni imkanlar əldə etmək üçün “PAŞA Bank”ın təqdim etdiyi bu fürsətdən yararlanmaq üçün linkə keçid edin.
“PAŞA Bank”ın təqdim etdiyi bütün kredit məhsulları rəqəmsaldır və KOS müştəriləri, fiziki sənəd təqdim etmədən, Bankın filiallarına getmədən tamamilə onlayn şəkildə müraciət edə bilərlər. Bu rahat və sürətli proses sahibkarlara bizneslərini daha çevik və effektiv şəkildə idarə etməyə imkan verir.
Qeyd edək ki, “PAŞA Bank” 2025-ci ildə real sektorun və biznesin dayanıqlı inkişafına verdiyi töhfələrə görə “International Investor” beynəlxalq nəşri tərəfindən “Azərbaycanın ən yaxşı bankı” elan edilib.
*Şərtlər tətbiq ediləcəkdir.