Bakı. Trend:
Azərbaycan ilə Böyük Britaniya arasında Yaşıl Enerji üzrə interkonnektor layihələri müzakirə edilib.
Trend xəbər verir ki, bu barədə energetika naziri Prəviz Şahbazov "X" sosial şəbəkə hesabında paylaşım edib.
"Böyük Britaniya və Şimali İrlandiya Birləşmiş Krallığının ölkəmizdəki fövqəladə və səlahiyyətli səfiri Ferqus Auld ilə keçirilən görüşdə ikitərəfli enerji əməkdaşlığının inkişafı, Yaşıl Enerji üzrə interkonnektor layihələri, hidrogen strategiyası, həmçinin, Hökumətlərarası Komissiyanın növbəti iclasına hazırlıq məsələləri ətrafında fikir mübadiləsi apardıq", - deyə paylaşımda qeyd edilib.