Bakı. Trend:
Bu ilin 1-ci rübündə operativ məlumatlara əsasən, elektrik enerjisinin istehsalı 7 171,8 milyon kVt·st olub.
Trend xəbər verir ki, bu barədə energetika naziri Pərviz Şahbazov "X" sosial şəbəkə hesabında paylaşım edib.
"Hesabat dövründə elektrik enerjisinin ixracı 385 milyon kVt·st, idxalı isə 35,7 milyon kVt·st olub. Bu dövrdə su elektrik stansiyaları da daxil olmaqla bərpa olunan enerji mənbələrindən 243,9 milyon kVt·st artımla 853,5 milyon kVt·st elektrik enerjisi istehsal edilib", - deyə paylaşımda qeyd edilib.