Milan. Trend:
İsveçrə Asiya İnkişaf Bankının (AİB) iqlim ambisiyalarına sadiq qalacağını gözləyir,
Trend-in Milana ezam olunmuş xüsusi müxbirinin verdiyi məlumata görə, bunu AİB-in İsveçrə üzrə idarəçisi Dominik Paraviçini bu gün AİB idarə heyəti şurasının biznes-sessiyasında çıxışı zamanı bildirib.
"İqlim dəyişikliyinə davamlılığın yaradılması və enerji keçidində ölkələrə dəstək regionda davamlı inkişafın açarıdır. Biz regionun iqlim bankı kimi AİB-i əldə etdiyi nailiyyətlərə görə təqdir edirik. Bank indi genişlənmiş kredit imkanlarını iqlim keçidini dəstəkləyən və ekoloji, sosial və idarəetmə standartlarına cavab verən yüksək keyfiyyətli, mənalı layihələrə yönəltməlidir", - o deyib.
Paraviçini vurğulayıb ki, İsveçrə AİB-in özəl sektorla daha fəal əlaqəyə doğru addımını dəstəkləyir.
"Biz AİB-in qeyri-suveren əməliyyatlar vasitəsilə özəl kapitalın səfərbərliyini artırmaq, Asiya və Sakit Okean regionunda müştərilərinin inkişaf edən ehtiyaclarına cavab vermək, eyni zamanda, müdaxilələrinin əlavəliliyini təmin etmək səylərini alqışlayırıq. Bu, özəl investisiyalar üçün mühitin yaxşılaşdırılması, Vahid AİB yanaşmasının tətbiqi və qeyri-hökumət təşkilatları arasında sinerjinin gücləndirilməsi ilə bağlı güclü öhdəliklə birləşdirilməlidir.
İsveçrə AİB-in yüksək qeyri-müəyyənlik və davamlı qlobal və regional çağırışlar qarşısında daha sürətli, daha effektiv və daha cəsarətli hərəkət etmək öhdəliyini alqışlayır. Biz AİB-in "Strategiya 2030" çərçivəsində strateji diqqətini gücləndirmək və kreditləşmə məkanını genişləndirmək səylərini yüksək qiymətləndiririk”, - o yekunlaşdırıb.