Bakı. Trend:
Cari ilin birinci yarısında Azərbaycanda 1 941,4 kiloqram gümüş istehsal edilib.
Trend bu barədə Dövlət Statistika Komitəsindən məlumat əldə edib.
Məlumata görə, gümüş istehsalı ötən ilin eyni dövrü ilə müqayisədə 221,4 kiloqram və ya 12,9% artıb. Ötən ilin yanvar-iyun aylarında Azərbaycanda 1 720 kiloqram gümüş istehsal edilmişdi.
Qeyd edək ki, cari ilin iyul ayının birinə ölkədə hazır gümüş ehtiyatının miqdarı 584,6 kiloqram olub.
Xatırladaq ki, ötən il Azərbaycanda 3 min 184 ton miqdarında gümüş istehsal edilib. Bu, illik müqayisədə 521 kiloqram, yaxud da 14% azdır. 2023-cü ildə Azərbaycanda istehsal olunan gümüşün miqdarı 3 min 705 kiloqram olub.