Bakı. Trend:
2025-ci ilin sonuna neftin bir barelinin orta qiymətini 68,6 dollar səviyyəsində proqnozlaşdırırıq.
Trend xəbər verir ki, bunu Azərbaycan Mərkəzi Bankının sədri Taleh Kazımov bu gün faiz dəhlizinin parametrləri ilə bağlı keçirilən mətbuat konfransında deyib.
O bildirib ki, həmin dövrə qazın ixrac olunmuş min kubmetrinin qiyməti 299 ABŞ dolları səviyyəsində proqnozlaşdırılır.
"2026-cı il üzrə isə neftin bir barelinin orta qiymətinin 64,6 ABŞ dolları səviyyəsində olacağını gözləyirik.
Eyni dövrdə qazın ixrac olunmuş min kubmetrinin qiymətini 290 dollar səviyyəsində olacağı gözlənilir", - deyə sədr vurğulayıb.