Bakı. Trend:
Cari ilin iyun ayının sonuna Azərbaycanda fəaliyyət göstərən bankların cəmi aktivləri 56,734 milyard manat olub.
Trend Mərkəzi Banka istinadən xəbər verir ki, bu göstərici ötən ilin eyni dövrü ilə müqayisədə 6,406 milyard manat və ya 12,7% çoxdur.
Belə ki, ötən ilin eyni dövründə Azərbaycanda fəaliyyət göstərən bankların cəmi aktivləri 50,328 milyard manat idi.
Qeyd edək ki, bankların cəmi öhdəlikləri 49,788 milyard manat,
balans kapitalı 6,946 milyard manat olub. İyun ayında aylıq
müqayisədə bankların cəmi aktivləri 0,3%, cəmi öhdəlikləri 0,2%,
balans kapitalı isə 1,3% artıb.
Hesabat ayında bankların kredit portfeli 0,3% və ya 85,6 milyon
manat artaraq 28,472 milyard manat olub. Kredit portfelinin
strukturunda biznes kreditləri 53,2% (15,144 milyard manat),
istehlak kreditləri 31,3% (8,898 milyard manat) və ipoteka
kreditləri 15,5% (4,430 milyard manat) yer tutub.