Bakı. Trend:
Bu ilin ilk yarısında Azərbaycan banklarında müddətli unikal əmanətçilərin sayı ötən ilin sonu ilə müqayisədə 11,7% artaraq 168,2 min nəfəri ötüb.
Trend xəbər verir ki, bunu Azərbaycan Mərkəzi Bankının Maliyyə Sabitliyi departamentinin direktoru Ataxan Həsənov maliyyə sabitliyi hesabatına dair keçirilən mətbuat konfransında bildirib.
"Bu rəqəm ötən ildən başlayaraq əhəmiyyətli artım nümayiş etdirib. Nəticədə sektorun maliyyə-prudensial tələblərini üstələyib", - deyə A. Həsənov vurğulayıb.