Azərbaycan, Bakı / Trend , müxbir İ.Xəlilova/ Azərbaycan hökuməti gömrük rüsumundan və idxal zamanı tutulan haqlardan azad olunan malların siyahısını bir daha nəzərdən keçirməlidir. Belə ki,artıq bu gün həmin əməliyyatların bütün idxal əməliyyatları həcmindəki xüsusi çəkisi 60 faiz təşkil edir. Bu barədə çərşənbə axşamı Milli Məclisdə 2008-ci ilin dövlət büdcəsi müzakirələri zamanı İqtisadi siyasət üzrə parlament komissiyasının sədri Ziyad Səmədzadə demişdir.
Onun sözlərinə görə, hazırkı vəziyyət bazar şərtlərinə cavab vermir və Dövlət Gömrük Komitəsinin xətti ilə dövlət büdcəsinə daxil olan vəmait həcminə mənfi təsir göstərir.
Gömrük vergilərindən və rüsumlarından daxil olan vəsaitlərin xüsusi çəkisi gələn il üçün 15 faiz səviyyəsində nəzərdə tutulmuşdur.
Siyahılara yenidən baxılmasına lüzum həmçinin ondan irəli gəlir ki, xarici ticarət əməldaşlarının strukturu daim artır və Azərbaycan bu gün 134 ölkə ilə idxal-ixrac əməliyyatlarını həyata kesirir.
İqtisadi inkişaf naziri Heydər Babayevin parlament iclasında dediyinə görə, 2008-ci il üçün Azərbaycanın xarici ticarət dövriyyəsi 31,2 milyard ABŞ dolları səviyyəsində proqnozlaşdırılmışdır. Bu zaman ixrac əməliyyatları 24,9 milyard, idxal əməliyyatları isə 6,3 milyard dollar həcmində proqnozlaşdırılıb.