Azərbaycan, Bakı / Trend / Naxçıvan Muxtar Respublikasında (NMR) yanvar-noyabr ayları ərzində ticarət dövriyyəsi 82,2 mln. dollar təşkil edib. Bu barədə NMR-in Bakıdakı daimi nümayəndəliyindən məlumat verilib. Bu göstərici 2006-cı ilin analoji dövrü ilə müqayisədə 10,5 faiz çoxdur.
Ümumi ticarət dövriyyəsinin təxminən 20 faiz və ya 16 mln. dolları ixrac, 80,5 faiz, yaxud 66,1 mln. dolları isə idxalın payına düşüb.
Türkiyə, Finlandiya, İran, Qazaxıstan, Rusiya, Ukrayna, Almaniya, Yaponiya, Gürcüstan, Koreya, Fransa, Belarus, Litva, İtaliya, İspaniya, Moldova, ABŞ, Çin, Avstriya, Braziliya, Yunanıstan, İsveçrə, Macarıstan və digər ölkələr Muxtariyyətin ticarət tərəfdaşlarıdır.
