Azərbaycan, Bakı, 21 fevral / Trend , müxbir İ.Xəlilova / Dünya Bankı (DB) Xəzər dənizinə emal edilməyən çirkab suların axıdılmasının azaldılmasına yönələn, Hövsan sutəmizləyici stansiyasının bərpa edilməsi və genişlənməsi layihəsini maliyyələşdirməyə hazırdır, - DB-nin Bakı nümayəndəliyindən deyiblər. Bu tədbirlər Azərbaycanda yeni ekoloji inkişaf proqramının ikinci mərhələsi çərçivəsində nəzərdə tutulub. [DB birinci mərhələyə $152 mln. kredit ayırır]
Hövsanda çirkab suların təmizlənməsi üzrə tədbirlər Fransız bankının dövlət kredit vəsaiti hesabına həyata keçirilməyə başlanıb. Hazırda aerasiya stansiyasında fransız texnologiyası üzrə yenidən təchizedilmə gedir. Buna müvafiq olaraq, çirkab sular dənizə axıdılmazdan əvvəl təmizlənəcək. Lakin, nümayəndəlikdən bildirildiyinə görə, çirkab suların dənizin dərinliyinə axıdılması üçün uzun boruların çəkilməsi lazımdır, bunun üçün də əlavə vəsait tələb olunur və DB bunu öz üzərinə götürməyə hazırdır.
Beynəlxalq ekoloji normalara əsasən, dənizin dibində, su öz-özünü təmizləməyə daha yaxşı qadirdir, hazırda bu, praktiki olaraq sahildə baş verir. DB layihəsinə əsasən, dənizdə əlavə borunun çəkilməsi sahildən 5 - 9 km-dək planlaşdırılır.
Layihənin dəyəri hələ təyin edilməyib, bu da texniki-iqtisadi əsaslandırmanın hazırlanması və müvafiq araşdırmaların aparılmasından sonra aydın olacaq.
Layihənin ilkin büdcəsi $60 mln. təşkil edir.
Müəlliflə əlaqə saxlamaq üçün elektron ünvan - [email protected]
