Azərbaycan,Bakı, 26 fevral/ Trend , müxbir S.Əliyev/ AZAL Dövlət Konsernindən verilən məlumata görə, "Azərbaycan Hava Yolları" Dövlət Konserninin həyata keçirdiyi Bakı-Kabil avia marşrutunun dayandırılması tarixi fevralın 24-dən martın 26 -na keçirilib.
Reyslərin bağlanması uçuşların təhlükəsizliyi baxımından gerçəkləşdirilir. AZAL-ın belə addım atmasına səbəb Əfqanıstan tərəfinin təhləkəsizliyi təmin edə bilməməsidir. Hava əlaqəsinin yenidən bərpa olunması təhlükəsizliyin tam təmin olunmasından asılıdır.
Bakı-Kabil-Bakı aviareysi 2006-cı ilin yayında Əfqanıstanın yenidən qurulmasında iştirak edən xarici mütəxəssislərin daşınması səbəbindən yaranıb. Onların çoxu Kabilə Bakıdan tranzit yolu ilə keçirdilər. Reyslər həftədə üç dəfə "TU 154" təyyarəsi ilə gerçəkləşirdi.
Bakı-Kabil marşurutunun bağlanması Əfqanıstandan Azərbaycana olan qeyri-leqal miqrasiyanın qarşısını ala bilər. Rəsmi statistik məlumata görə, Azərbaycana gələn qeyri-leqal miqrantların bir çox hissəsini əfqanlar təşlil edir. Miqrasiya prosesində əsas səbəb əmək bazarı və ölkənin əlverişli coğrafi mövqeyidir.
.
Müəlliflə əlaqə saxlamaq üçün: [email protected]
