Azərbaycan, Bakı, 11 mart / Trend , müxbir Ü.İsmayılova / Fevral ayında Bakı təkrar daşınmaz əmlak bazarında yanvar ayına nisbətən bir kvadrat metr yaşayış sahəsinin orta hesabla qiyməti 1 faiz 1720 dollara qədər artıb. Bu barədə "Daşınmaz Əmlak Bazarının İştirakçıları" İctimai Birliyinin çərşənbə axşamı verilən məlumatında deyilir.
Qiymətlərin mühüm artımı Bakı şəhərinin ikinci (9,4faiz) və üçüncü (4,6 faiz) zonalarında, azalma isə, şəhərin dördüncü (-3,5 faiz) zonasında müşahidə olunub.
Fevral ayında "leninqrad" (6,4 faiz) və "xruşşovka" layihəli binalardakı mənzillərin qiymətində 9,5 faiz artım müşahidə olunub. Təkrar bazarda yeni tikililər fevral ayında 25,8 faiz, "leninqrad"lar üçün isə 19,9 faiz təşkil edib.
Fevral ayında şəhərdəki 77,6 kvadratmetr, otaqların orta sayı 2,37 olan bir mənzilin orta hesabla qiyməti 130846 dollar təşkil edib.
Müəlliflə əlaqə üunvanı: [email protected]