Azərbaycan, Bakı, 14 mart/ " müxbir Ü.İsmayılova/ Azərbaycanın yeni sığorta şirkəti Qarant Sigorta apreldə təqdimat keçirmək və yaxın gələcək üçün planlarını elan etmək niyyətindədir. Bu barədə cümə günü şirkətdən məlumat veriblər.
Azərbaycanın ZQAN Holdings Şirkətlər Qrupunun təsisçisi olduğu Qarant Sigorta noyabrda sığorta fəaliyyəti göstərmək üçün Maliyyə Nazirliyindən lisenziya alıb. Qarant Sigorta-nın Nizamnamə kapitalı 1 mln. manat təşkil edir. Şirkət 18 könüllü və dörd növ məcburi sığorta xidmətinin göstərilməsinə lisenziya alıb.
ZQAN Holdings 2000-ci ildə yaradılıb. Əsas fəaliyyət növləri: tikinti materiallarının istehsalı, bank xidmətləri, telekommunikasiya, sağlamlıq və idman kompleksləri, mehmanxana biznesi, tikinti, sərnişin və yük daşınmaları, qapı və pəncərə istehsalıdır.
Qarant Sigorta-dan bildiriblər ki, şirkət öz fəaliyyətinin birinci rübündə bir neçə müqavilə bağlayıb. Şirkətdən onların dəqiq sayını bildirməyiblər.
" Aprel təqdimatımızdan sonra fəal surətdə bazara daxil olacaq və ciddi müqavilələr imzalayacağıq", - şirkətdən bildiriblər.
Azərbaycanda 30-dək sığorta şirkəti fəaliyyət göstərir.
Məqalə müəllifinin ünvanı: cap
