Azərbaycan, Bakı, 17 mart/ Trend , müxbir İ.Xəlilova/ Azərbaycan və Yunanıstan arasında ticari-iqtisadi əlaqələri genişləndirmək üçün Biznes Şurasının yaradılması nəzərdə tutulur. Bu barədə bazaar ertəsi Azərbaycanın iqtisadi inkişaf naziri Yunanıstanın inkişaf naziri Xristos Foliasla görüşün yekunları üzrə məlumat verib.
Şurada hər iki tərəfdən tərəfdaş kimi qeyri-hökumət təşkilatları çıxış edəcəklər.
"Yunan tərəfi Azərbaycan tərəfdaşları arasında üç variantı nəzərdən keçirir - Azərbaycanın İxracat və İnvestisiyaların Təşviqi Fondu, Sahibkarların Milli Konfederasiyası və ya Ticarət-Sənaye Palatasını. Onlar seçimi müstəqil surətdə, bizim müdaxiləmiz olmadan edəcəklər", - nazir bildirib.
Babayevin sözlərinə görə, yunan tərəfi dövlət orqanları ilə hər hansı bir əlaqəsi olmayan tərəfdaş axtarır. Ölkələr arasında əməkdaşlığın sürətli inkişafı üçün, ola bilsin ki, kompromis əldə ediləcək. Lakin hökumət bu məsələni nəzərdən keçirmir və qərarı yunanlar qəbul edəcəklər.
"Biz iqtisadi inkişaf nazirliyi və hökumət üzvü kimi, zəmanət verdik ki, tərəfdaş qismində təşkilatın seçimindən asılı olmayaraq, lazımi dəstəyi göstərməyə hazır olacağıq. Bundan əlavə, Azərbaycan prezidenti Yunanıstan naziri ilə görüşdə Biznes Şurasının yaradılmasını dəstəkləyib", - nazir deyib.
O hesab edir ki, bu strukturun fəaliyyəti ölkələr arasında ticarət münasibətlərinin canlanmasına və bir çox məsələlərin həllinə yardım edir. Belə ki, o, daimi əsasda fəaliyyət göstərəcək. Digər tərəfdən, işgüzar dairələrin iştirakı ilə biznes-forumların keçirilməsi təcrübəsi davam etdiriləcək.
2008-ci ilin yanvarının yekunlarına görə, Azərbaycan və Yunanıstan arasında mal dövriyyəsi $11932 min təşkil edib. Bunun $11 661 mini ixrac əməliyyatlarının payına düşür.
Məqalə müəllifinin ünvanı: [email protected]