Azərbaycan, Bakı, 30 mart / Trend , müxbir Ü.İsmayılova/ Azərbaycanın "Non-life" sığortasında ixtisaslaşmış "Azergarant" sığorta şirkəti, mart ayının ortalarından qüvvədə olan "Sığorta fəaliyyəti" haqqında yeni Qanunda nəzərdə tutulan "Life" sığotasının tətbiqinə hələ hazır deyil. Bu barədə bazar günü şirkətin idarə heyətinin sədr müavini Şükür Hüseynov məlumat verib.
"Həyat sığortası işin tətbiqinə spesifik yanaşma tələb edir, biz hələ bu sığorta növünü tətbiq etmək niyyətində deyilik" - deyə Hüseynov bildirib.
Yeni qanuna görə, sığorta şirkətləri xidmət üzrə "Life" və "Non-life" növlərinə ayrılmalıdır (üç il müddətinə). "Life" şirkətlər sığortaçılara iki il minimal müddətlə toplanmış sığorta təqdim edə biləcək.
Hüseynovun sözlərinə görə, "Life" törəmə şirkətlərinin açılışı gələcəkdə üç illik keçid dövründən sonra mümkün ola bilər. Ancaq hazırda şirkət yeni qanuna əsasən, "Non-life" sığortasının effektivliyi üzərində işləyir.
Xarici kapitalın cəlb edilməsi haqqında danışan Hüseynov qeyd edib ki, xarici kapitalın 49 faizlik limitinin ləğvini nəzərdə tutan yeni qanunun bəndinə müvafiq olaraq, şirkət xarici sahibkarları qəbul etməyə hazırdır. Baxmayaraq ki, şirkət mülkiyyət formasını əvvəldən QSC-dən SC-yə dəyişdirib.
Hüseynov bildirib ki, şirkət yeni qanuna əsasən, özünün 22 rəsmi agentlərini lisenziyalaşdırmağa hazırdır. Bu, eləcə də agentlərin peşəkarlıq səviyyəsinin inkişafına zəmin yaradacaq.
"Azergarant" 1993-cü ildən sığorta bazarında fəaliyyət göstərir, dördü məcburi olan 26 növ sığorta xidməti göstərir. Şirkətin nizamnamə kapitalı 1 mln. manat təşkil edir.
Müəlliflə əlaqə ünvanı: [email protected]
