Azərbaycan, Bakı, 31 mart / Trend , müxbir İ.Xəlilova / Avropa Komissiyası aprel ayının birinci yarısı ərzində Azərbaycanın İqtisadi İnkişaf Nazirliyi ilə İİN-nin institutisional inkişafı üzrə layihənin texniki məsələlərilə bağlı razılığa gəlməyi planlaşdırır. Bu barədə Avropa İttifaqının Azərbaycana Texniki Yardım Proqramları Koordinasiya Bürosunun (Tacis) icraçı direktoru Rüfət Məmmədov məlumat verib.
Layihə əsasında bölgə inkişafı daxilində insan resurslarının idarəsi, potensial inkişafa texniki yardım göstəriləcək. Məsləhət xidmətləri iki il üçün nəzərdə tutulub. Layihə 3 mln. avro dəyərində qiymətləndirilir.
Hazırkı layihə 2006-cı maliyyə ilində Azərbaycan üzrə TACIS-in 2006-cı il iyunun 15-də Avropa Komissiyasının təsdiq etdiyi milli fəaliyyət planına daxildir. Ancaq plan üzrə maliyyə memorandumu Azərbaycan hökumətilə keçən il imzalanıb.
Məmmədovun sözlərinə görə, hazırda 2006-cı il büdcəsi çərçivəsində investisiyanın inkişafı və idxalın dəstəklənməsi layihəsi üzrə texniki məsələlər də müzakirə olunur (3 mln.avro dəyərində).
Plana tvininq-proqramlarının işlənməsi (6,5 mln. avro) və 3 mln. avro büdcə ilə Azərbaycan və Aİ arasında Əməkdaşlıq və Tərəfdaşlığa dair Sazişin rellaşdırılmasına dəstək də daxildir.
Müəlliflə əlaqə saxlamaq üçün elektron ünvan: [email protected]