Azərbaycan, Bakı, 01 aprel / Trend , müxbir İ.Xəlilova / Milli Bank tərəfindin elan olunmuş ödəmə balansına müvafiq olaraq, Azərbaycanın strateji xarici valyuta ehtiyatları 68,9 faiz artaraq, 2008-ci il yanvarın 1 - də 7 379,2 mln. dollar təşkil edib. Bu barədə MB - dan məlumat verilib. Bunlardan Dövlət Neft Fondunun aktivlərinə 2475,3 mln. dollar, hökumət depozitlərinə 630,9 mln. dollar, MB-nin ümumi aktivlərinə isə 4273 mln. dollar düşür.
Milli Banka daxil olan valyuta ehtiyatları isə 4015,3 mln. dollar təşkil edir ki, bu da neft və qaz sahəsi istisna olmaqla, xidmət və malların 7-8 aylıq idxalını maliyyələşdirməyə imkan verir. Bu, dünya təcrübəsində qəbul olunmuş beynəlxalq kifayətlilik meyarını iki dəfə üstələyir.
Ödəmə balansına uyğun olaraq, gəlirlərin ödənilməsi və daxil olması üzrə ümumi dövriyyə 5,7 mlrd.dollar təşkil edib ki, bunun 94,2 faizi (5,4 mlrd.) respublikadan ödənmənin payına düşür. Ödənişlərin əsas hissəsi (4,8 mlrd.dollar) ABƏŞ-in xarici investorlarının repatriasiyası, qeyri -rezidentlərin əmək haqqlarının ödənişi (131,1 mln.dollar), neft və qaz sahəsini nəzərə almaqla istifadə olunmuş kredit faizləri vasitəsilə həyata keçirilib.
Ölkəyə daxil olan gəlirlər 2006-cı il ilə müqayisədə 18,2 faiz artıb və 2008-ci il yanvarın 1-də 331 mln.dolları təşkil edib. ARDNF vəsaitlərinin idarə olunması faizlərinə 84,4 mln.dollar, MB valyuta ehtiyatlarına 150,9 mln.dollar, xaricdə banklara yerləşdirilmiş aktivlərin payına 17,6 mln.dollar düşür.
Müəlliflə əlaqə saxlamaq üçün elektron ünvan : [email protected]
