Azərbaycan, Bakı, 20 may/ Trend , müxbir Ü.İsmayılova/ Azərbaycan Milli Bankı nəzdində Azərbaycan İpoteka Fondu (AİF) dövlət büdcəsindən 10 mln. manat məbləğində birinci tranş alıb. Bu barədə çərşənbə axşamı Fonddan məlumat veriblər.
"Ayrılmış 10 mln. manatın 90 faizi artıq əvvəllər verilən kreditlərin təkrar maliyyələşdirilməsinə sərf edilib", - Fonddan bildiriblər.
AİF xətti ilə yeni verilən ipoteka kreditlərinin təkrar maliyyələşdirilməsi vəsait çatışmazlığına görə, 2007-ci il sentyabrın 20-də dayandırılıb. Fəaliyyətə başladığı 2006-cı ilin martından Fondun səlahiyyət verdiyi 23 bank tərəfindən 67,8 mln. manat məbləğində 1,8 min kredit verilib.
Fondda bildiriblər ki, "Azərbaycanın 2008-ci il üçün dövlət büdcəsi" Qanunu ilə nəzərdə tutulan qalan 23 mln. manatın nə zaman ayrılacağını hələ bilmirlər.
