Azərbaycan, Bakı, 13 iyun/ Trend müxbir İ.Xəlilova/ Qazaxıstan Milli Bankının İdarə Heyəti sədrinin müavini Daniyar Akişevin başçılıq etdiyi qazax nümayəndə heyəti Azərbaycan Milli Bankı (AMB) ilə təcrübə mübadiləsi aparmaq məqsədilə Bakıya gəlib.
Cümə günü AMB-dən bildiriblər ki, görüşlərdə neft gəlirlərinin artması şəraitində mərkəzi bankın pul siyasətinin strategiyası və taktikası, globallaşma mühitində maliyyə sabitliyinin qorunmasına yönəldilmiş preventiv tədbirlər, habelə iki ölkənin mərkəzi bankları arasında gələcək əməkdaşlıq perspektivləri nəzərdən keçirilib.
Qonaqlar Azərbaycanın son illər nümayiş etdirdiyi sıçrayışlı iqtisadi inkişaf təcrübəsinin böyük maraq doğurduğunu bildiriblər. Nümayəndə heyətinin üzvləri neftlə zəngin olan postsovet ölkələrinin makroiqtisadi idarəetmədə oxşar vəzifələr ilə qarşılaşdıqlarını nəzərə alaraq pul siyasəti və bank quruculuğu sahəsində bu təcrübə mübadiləsinin əhəmiyyətli olduğunu da xüsusi qeyd ediblər.
İyunun 13-ə olan rəsmi məzənnə - 0,8189 AZN/USD.
Müəlliflə əlaqə saxlamaq üçün elektron ünvan: [email protected]
