Azəbaycn, Bakı, 02 avqust / Trend , müxbir E.İsmayılov/ "İçəri şəhər" metro stansiyasının yenidən qurulması üzrə işlərin noyabrın 8-dək başa çatdırılması planlaşdırılır. Bu barədə şənbə günü Bakı Metropoliteninin rəhbəri Tağı Əhmədov bildirib.
Əvvəllər "İçəri şəhər" metro stansiyası yenidənqurma və bərpa işləri səbəbindən bağlanmışdı. Hazırda isə stansiyada əsaslı təmir işləri aparılır, onun dəmir-betonlu zahiri konstruksiyası şüşəli şəffaf piramida ilə əvəz olunacaq. Dəmir-beton konstruksiyanın şüşə ilə əvəzlənməsində məqsəd Qədim Şəhərin qala divarlarının görünüşünü yaxşılaşdırmaqdan ibarətdir.
Əhmədov bildirib ki, altı və doqquzuncu mikrorayonlarda tikilən yeni "Nəsimi" metro stansiyasının sentyabrın 15-də istifadəyə verilməsi planlaşdırılır.
Bakı Metropoliteni "İçəri Şəhər" stansiyasından "Nəriman Nərimanov" stansiyasınadək arada olan üç stansiya ilə 1967-ci ildən fəaliyyət göstərir. Metropolitenin yeddi stansiyası ("İçəri Şəhər", "Sahil", "28 may", "Cəfər Cabbarlı", "Xətai", "Nizami", "Elmlər Akademiyası") dərin enişli, Bakmil - yerüstü, qalanları isə sütunlu və dayaz enişlidir (cəmi 20 stansiya).
Məqalə müəllifi ilə əlaqə ünvanı: capital