Azərbaycan, Bakı, 29 avqust / Trend , müxbir Ü.İsmayılova/ Azərbaycanın aparıcı lizinq şirkətlərindən biri olan "Parex leasing & factoring" "Atesgah" sığorta şirkəti Almaniyanın avtomobil nəhənginin rəsmi dileri "Improtex Motors" ilə birgə sərfəli bazar şərtləri ilə BMW avtomobillərinin alınması və sığortalanmasının maliyyələşdirilməsi üzrə yeni layihə reallaşdırmağa başlayıb. Bu barədə cümə günü şirkətdən məlumat verilib.
"Improtex Motors" şirkətinin müştəriləri BMW markalı avtomobilləri 15 faizlik avans ödəmə, illik 18 faiz dərəcəsi olmaqla, həmçinin beş illik lizinq müddətinə əldə edə bilərlər. Onlar aldıqları avtomobili "Atesgah" sığorta şirkətində Avto KASKO proqramı üzrə sərfəli şərtlərlə sığortalaya bilərlər.
Lizinq və sığorta BMW salonunda rəsmiləşdirilir. Proqram BMW markalı avtomobillərin bütün növlərinə, həmçinin fiziki və hüquqi şəxslərə aiddir.
"Parex leasing & factoring" 100 faizlik Latviya kapitalı ilə Azərbaycan şirkətidir və Latviya "Parex Bank"ının törəmə strukturudur.
Məqalə müəllifi ilə əlaqə ünvanı: [email protected]
