Azərbaycan, Bakı,17 sentyabr/ Trend , müxbir Ü.İsmayılova/ Cari ilin yanvar - avqust aylarında Azərbaycanda 886 min kvadratmetr daşınmaz əmlak istifadəyə verilib ki, bu da 2007-ci ilin analoji dövr göstəricisini 119,3 faiz ötür. Bu barədə çərşənbə günü Azərbaycan Dövlət Statistika Komitəsindən məlumat verilib.
Yanvar - avqustda Azərbaycanda tikinti - montaj işlərinin aparılmasına 3410,6 mln. manat sərf olunub ki, bu da 2007-ci ilin müvafiq dövrünə nisbətdə 153,8 faiz çoxdur.
Ümumilikdə səkkiz ay ərzində ölkənin tikinti sektoruna 5396,6 mln. manat sərmayə yatırılıb ki, bu da ötən lin yanvar-avqust aylarında qeydə alınan göstəricidən 136,6 faiz çoxdur. Xüsusilə, istehsal obyektlərinə 4069,3 mln. manat (İl ərzində artım 130,4 faiz təşkil edib) yatırılıb.
Məqalə müəllifi ilə əlaqə ünvanı - [email protected]
