Azərbaycan, Bakı, 02 oktyabr/ Trend , müxbir N.İsmayılova/Azərbaycan Milli Bankının (AMB) 2008-ci ilin birinci rübü üzrə açıqladığı ödəniş balansına əsasən, özəl sektora ümumi əcnəbi sərmayə həcmində cəlb edilmiş birbaşa dövlət və qeyri-dövlət zəmanətli kredit, borc, depozit və digər kapital yatırımlarının xüsusi çəkisi 36,9 faiz olub, - AMB-dən bildiriblər. Onların ümumi həcmi $1910,1 mln.çatıb ki, bu da 2007-ci ilin analoji dövrünün göstəricisini 1,3 dəfə ötüb.
Bu vəsaitlərdən dövlət zəmanətilə 9,2 faizlik güzəştlə 8,5 faiz ($149,3 мln) kredit cəlb edilib. Qeyri -zəmanətli kreditlərin payına $1502,3 mln.düşür. Burada da 50,7 faiz artım müşahidə edilir.
Onlardan $683,1 mln.beynəlxalq neft - qaz müqavilələri çərçivəsində işlərin maliyyələşdirilməsi üçün beynəlxalq maliyyə təşkilatlarından alınmış borcların payına düşür. Bu vəsaitlər SOCAR-ın Gürcüstan və Türkiyədəki layihələrinin maliyyələşdirilməsinə yönəldilib.
Qeyri - zəmanətli kreditlərdən $814,4 mln. bank, birgə müəssisə və firmalar tərəfindən cəlb edilib ki, bu da ötən ilin analoji göstəricisini 1,5 dəfə ötür.
