Azərbaycan, Bakı, 17 oktyabr/ Trend , müxbir N.İsmayılova/ Böyük Britaniya Azərbaycana yatırılan sərmayənin həcminə görə lider mövqeyini saxlamaqdadır və cari ilin doqquz ayı ərzində xarici sərmayələr həcmində bü ölkənin xüsusi çəkisi 46,1 faiz təşkil edib. Bu barədə cümə günü Dövlət Statistika Komitəsindən məlumat verilib. Böyük Britaniyanın yatırdığı sərmayələr ötən ilin analoji dövr göstəricisinə nisbətdə 7,5 faiz azalaraq 796,06 mln. manat təşkil edib.
Yanvar - sentyabrda Azərbaycan iqtisadiyyatına xarici ölkələr və beynəlxalq təşkilatlar tərəfindən yatırılan sərmayələrin 93,8 faizi (1,62 mlrd. manatı) Böyük Britaniya, ABŞ, Yaponiya, Norveç, Türkiyə, Cənubi Koreya və Almaniyadan olan sərmayədarların payına düşür.
Amerika sərmayələri 25,4 faiz azalaraq 345,69 milyon manat (20 faizilk xüsusi çəki ilə yanaşı), Yaponiya sərmayələri 26,5 faizlik azalma ilə 177,47 milyon manat (10,3 faiz), Türkiyə sərmayələri beş faiz artımla 125,64 milyon manat (7,3 faiz), Norveç sərmayələri 28,5 faiz azalma ilə 110,93 milyon manat (6,4 faiz), Koreya sərmayələri 37,22 milyon manat (2,1 faiz), Almaniya sərmayələri 11 dəfə artım ilə 27,36 milyon manat (1,6 faiz), Fransa sərmayələri 2,3 artım ilə 17,48 milyon manat (bir faiz), Rusiya sərmayələri 7,4 dəfə artımla 9,91 miyon manat (0,6 faiz), İran sərmayələri 25 faiz azalma ilə 9,47 milyon manat (0,6 faiz) təşkil edib.
Beynəlxalq maliyyə institutlarından ən böyük sərmayə həcmi Dünya Bankı tərəfindən yatırılıb. Yatır?lan sərmayələrin həcmi 1,7 faizlik xüsusi çəki və 0,2 faizlik artımla 28,67 milyon manat təşkil edib.
Yanvar - sentyabrda Azərbaycanda reallaşdırılan layihələrə AİB 36,8 faiz azalma ilə 8,79 milyon manat (0,5 faiz), İİB 93,9 faiz artımla 6,95 milyon manat (0,4 faiz), AYİB 69,6 faizilk azalma ilə 5,44 milyon manat (0,3 faiz), Kuveyt İqtisadi İnkişaf Fondu 33,5 faiz artımla 2,91 milyon manat (0,2 faiz) yönəldib. Uşaqların Müdafiəsi üzrə Beynəlxalq Təşkilat ilk dəfə olaraq Azərbaycan iqtisadiyyatına 15 min manat sərmayə yatırıb.
Oktyabrın 17-nə olan rəsmi məzənnə 0,8092 AZN/USD təşkil edir.
Məqalə müəllifi ilə əlaqə ünvanı - [email protected]