...

Azərbaycanın Əmanətlərin Sığortalanması Fondunun kapitallaşması 2009 - cu ildə baş tuta bilər

Biznes və iqtisadiyyat xəbərləri Materials 24 Oktyabr 2008 20:32

Trend-i buradan izləyin

Azərbaycan, Bakı, 24 oktyabr/ Trend , müxbir İ.Xəlilova/ "Azərbaycan Əmanətlərin Sığortalanması Fondu (ADİF) Fondun 2009-cu ilədək kapitallaşması üçün Almaniyanın KfW  İnkişaf Bankı ilə 5 mln. avro kreditin ayrılması haqqında müqavilənin imzalanmasını gözləyir", - ADİF-in icraçı direktoru Azad Cavadov cümə günü bildirib.

"Müqavilə layihəsi Azərbaycan hökumətində olsa da, çox ehtimal ki, o yeni Nazirlər Kabineti formalaşdırıldıqdan sonra nəzərdən keçiriləcək", - Cavadov bildirib.

KfW - in krediti nəzərə alınmadan, 2008 - ci ilin sonunadək ADİF-in vəsaitlərinin 11 mln. manatadək artacağı gözlənilir. Üçüncü rübün yekunları üzrə Fonda daxilolmaların ümumi həcmi 8 897 min manat təşkil edib.

"Tariflərin azalması ilə əlaqədar, daxilolmalar azalmağa başlayıb. Bununla əlaqədar, Fondun portfeli 11 mln. manatadək çatdırılacaq", - Cavadov dəqiqləşdirib.

Üçüncü rübə görə ADİF-ə təqvim ödənişləri əmanətlər üzrə gündəlik qalığın 0,125 faizi üzrə ödənilir. Fond işə başlayarkən bu rəqəm 0,15 faizə bərabər olub. Nəticədə, təqvim ödəmələrinin illik həcmi 0,6 faizdən 0,5 faizədək azalıb.

Üçüncü rübdə fiziki şəxslərin üzv banklardakı əmanət portfeli ikinci rübdəki 1 608 mln. manatdan 1 731 mln. manatadək artıb.

Üçüncü rübün yekunları üzrə Fonda 918 min manat (ikinci rübdə 961 min manat olub),  911  min dollar (1 072 dollar), 153 min avro (159 min avro) təqvim haqqı ödənilib. Ümumilikdə rüb ərzində Fond, əlavə olaraq, 1 312 mln. manat alıb.

Sığortalanan əmanətçilərin sayı 6,9  faiz - 1 193 687 nəfərdən 1 275 540 nəfərədək artıb.

Fond 2007 - ci il avqustun 13 - də fəaliyyətə başlayıb. 2008 - ci ilin əvvəlindən maksimal sığorta edilən məbləği 6 min manatadək artırıb, 2010-cu il yanvarın 1-dən bu məbləğ 8 min manatadək artacaq. Əmanətlərin sığortası haqqında Qanuna əsasən, 2008 - ci il yanvarın 1-dək 4 min manatadək olan əmanətlər Fond tərəfindən tamamilə qorunurdu.

Oktyabrın 24- nə olan cari mübadilə məzənnəsi -- 0,8111 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti