Azərbaycan, Bakı, 30 oktyabr/ Trend müxbir N.İsmayılova/ Kapital Bank ASC 2008-ci ilin yayında tam dövlətsizləşdirildikdən sonra bankın səhmdarlarının birinci növbədənkənar toplantısının keçiriləcəyini elan edib.
Ümumi toplantıda bankın nizamnaməsinə əlavə və dəyişikliklərin müzakirə edilməsi, idarə orqanlarının - Müşahidə Şurası və Auditor Komitəsinin yeni tərkibinin seçilməsi, Müşahidə Şurası və Auditor Komitəsinin ümumi toplantısının müddəalarını yeni redaksiyada təsdiq edilməsi, istisna kimi səhmdarlarda olan səlahiyyətləri Müşahidə Şurasına verilməsi planlaşdırılır.
Toplantı 2008-ci il dekabrın 11-də bankın Füzuli 71 küçəsində yerləşən baş ofisində, 10-cu mərtəbədəki akt zalında baş tutacaq.
Kapital Bank 2000-ci ildə təsis edilib. Özəlləşdirmədən sonra bankın yeni səhmdarları aşağıdakılardır: Ata Holding (35 faiz), Xalq Bank (20 faiz), Azersun Holding (15 faiz), Pasha Holding (15 faiz), Xalq Sigorta (7,5 faiz), fiziki şəxslər (5 faiz) və bankın əməkdaşları (2,5 faiz).
Kapital Bank ölkənin ən iri banklarının onluğuna daxil olur və məcmu kapitalının ölçüsünə görə yeddinci yeri tutur. Birinci yarımilin yekunları üzrə bankın məcmu kapitalı 40,9 mln. manat, Nizamnamə kapitalı 24 mln. manat təşkil edib. Aktivlərinin ölçüsünə görə bank yeddinci yerdədir. 2008-ci il iyulun 1-nə bankın aktivlərinin ölçüsü 285,8 mln. manat təşkil edir. Mənfəətliliyinə görə Kapital Bank bankların renkinqində dördüncü yerdədir, iyulun 1-nə olan vəziyyətə görə onun mənfəəti 5,33 mln. manat təşkil edib.
Oktyabrın 30-na olan cari mübadilə məzənnəsi -- 0,8087 AZN/USD
Müəlliflə əlaqə saxlamaq üçün elektron ünvan: [email protected]
