Qazaxıstan, Astana, 02 dekabr / Trend , müxbir K.Konırova/ "Zərurət yarananda Qazaxıstan Ümumdünya Ticarət Təşkilatına üzv olacaq", - Qazaxıstanın Baş naziri Kərim Məsimov çərşənbə axşamı hökumətin iclasında deyib.
"Bizim ÜTT-yə qəbul olunmağımız üçün təqvimdə qırmızı ilə qeyd olunmuş tarix yoxdur", - hökumət başçısı deyib. Qazaxıstan zərurət yarananda və bizim üçün sərfəli şərtlər əsasında bu quruma üzv olacaq".
"Rəsmi Astana danışıqların yekununa görə idxal gömrük rüsumlarının daha yüksək dərəcəsini tətbiq etmək imkanını əlində saxlayıb", - Nazirlər Kabinetinin iclasında sənaye və ticarət nazirinin müavini, Qazaxıstan ÜTT-yə üzvlyü ilə bağlı danışıqlar aparan hökumət işçi qrupunun rəhbəri Janar Aytjanova söyləyib.
"Danışıqların nəticəsinə əsasən, sənaye malları ilə bağlı Qazaxıstan hazırki 4,6 faiz tariflə, idxal gömrük rüsumlarının daha yüksək dərəcəsini 6,5 faiz səviyyəsində tətbiq edə bilir", - nazir müavini bildirib.
Onun fikrincə, ölkənin ÜTT-yə üzvlyündən sonra idxal gömrük rüsumlarının ləğvi və ya azaldılması nəticəsində, əcnəbi malların ixracının artacağından narahat olmağa əsas yoxdur. "Qazaxıstanla ikitərəfli danışıqların yekununa görə, bu gün idxal gömrük rüsumlarının səviyyəsi saxlanılıb ki, bu, yerli məhsulları qorumağa imkan verəcək", - Aytjanova qeyd edib.
Əvvəllər Qazaxıstanın ÜTT- yə üzvlüyü üçün növbəti müddətin 2008 - 2009 - cu illərə təyin olunduğu bildirilib. Ölkənin bu quruma üzvlyü ilə bağlı danışıqlar aparan hökumət işçi qrupunun rəhbərinin fikrincə, bu, 2010 - cu ildə baş verə bilər.
Müəlliflə əlaqə ünvanı: [email protected]
