Azərbaycan, Bakı, 30 yanvar/ Trend , müxbir Ü.İsmayılova/
2008 - ci ildə Azərbaycanın dünyanın 141 ölkəsi ilə mal dövriyyəsi 54,91 milyard dollar təşkil edib, - Azərbaycanın Dövlət Gömrük Komitəsi (DGK) sədrinin birinci müavini Səfər Mehdiyev cümə günü, ötən ildə fəaliyyətin yekunlarına həsr olunmuş kollegiyada bildirib.
Ötən il 47,75 milyard dollar dəyərində 2,12 min adda mal ixrac, 7,16 milyard dollar məbləğində 5,89 min adda mal idxal olunub. Nəticədə, 40,59 milyard dollar məbləğində müsbət saldo formalaşıb.
Mehdiyevin sözlərinə görə, ötən il gömrük komitəsi gömrük yığımlarının toplanılması üzrə proqnozu 100,03 faiz - 1,11 milyard manatadək yerinə yetirib ki, bu da 2007 - ci ildəki gğstəricidən 338,4 milyon manat və ya 43,3 faiz çoxdur.
ƏDV üzrə gömrük daxilolmalarının strukturunda idxal zamanı 775,23 milyon manat (il ərzində artım 240,18 milyon manat təşkil edib), gömrük rüsumlarından - 238,65 milyon manat (78,37 milyon manat), aksizlər üzrə - 91,15 milyon manat (18,79 milyon manat), yol vergisi - 5,35 milyon manat (1,03 milyon manat) vəsait yığılıb.
Aparılmış hesablamalara görə, gömrük vergiləri və rüsumlarından daxilolmaların ilbəil artımı vergi üçün baza kimi çıxış edən idxalın çoxalması hesabına deyil, gömrük dərəcələrinin dəyişməz saxlanılması, gömrük nəzarətinin təkmilləşdirilməsi, qaçaqmalçılıq və digər hüquq pozuntuları ilə mübarizənin gücləndirilməsi və maliyyə intizamının möhkəmləndirilməsi hesabına baş verir.
DGK 2009 - cu ildə ƏDV üzvə ayırmaların 145 milyon manat, gömrük rüsumlarından ayırmaların - 36,2 milyon manat, gömrük rüsumları, aksizlər üzrə - səkkiz milyon manat, yol vergisi üzrə - 0,8 milyon manat artacağını gözləyir. Ümumilikdə isə, 2008 - ci illə müqayisədə, 190 milyon manat (17,1 faiz) artım gözlənilir.
DGK - nın apardığı tədbirlər nəticəsində 4,2 min hüquq pozuntusu faktı aşkar olunub, onlardan 175 - i cinayət xarakteri daşıyır. İnzibati pozuntulara görə 1,46 min hüquqi və 2,56 min fiziki şəxs məsuliyyətə cəlb edilib. Ötən il cinayət və inzibati xətalar faktları üzrə sərhəddən qaçaqmalçılıq yolu ilə 114 kiloqram qara kürünün, 1,8 milyon ədəd xarici istehsal olan siqaretin, 3 224 müxtəlif növ spirtli içkilərin, 3 551 dini kitabın, dörd odlu və 5 880 soyuq silahın keçirilməsinin qarşısı alınıb.
2008 - ci ildə 356,3 kiloqram narkotik və 4 204 ədəd psixotrop maddənin qanunsuz dövriyyəsinə dair 64 fakt aşkar edilib.
Yanvarın 30 - na olan cari mübadilə məzənnəsi -- 0,8067 AZN/USD.
Müəlliflə əlaqə saxlamaq üçün elektron ünvan: [email protected]
