Azərbaycan, Bakı, 18 fevral / Trend , müxbir N.İsmayılova/ Kapital Bank 2008-ci ilin yayında özəlləşdirildikdən sonra bank səhmdarlarının ikinci növbədən kənar toplantısını keçirəcək. Bu barədə bankın məlumatında bildirilib .
Yığıncaqda idarə orqanları - müşahidə şurası və auditor komitəsinin yeni heyətinin seçilməsi planlaşdırılır.
Yığıncaq martın 31-də saat 11:00-da bankın Füzuli küçəsi 71 ünvanında yerləşən baş ofisinin onuncu mərtəbəsindəki iclas zalında keçiriləcək.
Kapital Bank 2000-ci ildə təsis edilib. Özəlləşdirildikdən sonra Ata Holding (35 faiz), Xalq Bank (20 faiz), Azersun Holding (15 faiz), Pasha Holding (15 faiz), Xalq Sigorta (7,5 faiz), fiziki şəxs (5 faiz) və bank əməkdaşları (2,5 faiz) bankın səhmdarları olublar.
Məqalə müəllifi ilə əlaqə ünvanı: [email protected]
