Qazaxstan, Astana, 02 mart / Trend , müxbir K.Arınova /
Bu gün Astanada keçirilən selektor müşavirəsində vitse-baş nazir Umirzak Şukeyev bildirib ki, yerli istehsalçılara dəstək məqsədi ilə hökumət emal sənayesində hər həftə gömrük rüsumlarının dərəcəsini dəyişmək niyyətindədir.
"Bizdə elə müəssisələr var ki, hazır mal təchiz edən xarici müəssisələrlə rəqabət aparır. Lakin xaricilərə tətbiq olunun gömrük rüsumları çox azdır. Çox güman ki, xarici müəssisələr üçün rüsumlar artırılacaq. Digər tərəfdən, ölkə hüdudlarından kənarda komplekt hissələr təchiz edən mühəssisələr var ki, onlara tətbiq edilən gömrük rüsumları azaldılmalıdır", - Şukeyev deyib.
Onun fikrincə, hazırda hökumət diqqətini emal sənayesinin gücləndirilməsinə yönəltməlidir.
"Hər həftə hökumət tərəfindən rüsumlara düzəliş edəcək qərarlara ehtiyac duyula bilər", - vitse-baş nazir qeyd edib.
